ەكىجاقتى قۇجاتقا «قازاقستان» رترك» اق باسقارما توراعاسى ەرلان قارين جانە تۇركيا راديو تەلەديدار كورپوراتسياسىنىڭ باس ديرەكتورى يبراحيم ەرەن قول قويدى.
مەموراندۋمنىڭ نەگىزگى ماقساتى راديو جانە تەلەۆيزيزيا سالاسىندا بىرلەسىپ جوبالاردى جۇزەگە اسىرۋ جانە تاجىريبە الماسۋ. مەموراندۋم بۇقارالىق اقپارات قۇرالدارىنىڭ باسىم باعىتتارى بويىنشا جۇمىستى نىعايتۋعا جانە شىعارماشىلىق ىنتىماقتاستىقتى كەڭەيتۋگە باعىتتالعان. جالپى «قازاقستان» تەلەراديوكورپوراتسياسى مەن ترت كورپوراتسياسىنىڭ اراسىنداعى قارىم-قاتىناس بىرنەشە جىلدار بويى تۇراقتى تۇردە دامىپ كەلەدى. بۇل مەموراندۋم مەديا سالاداعى ەكىجاقتى جۇمىستى ودان ءارى جەتىلدىرىپ, جاڭا سەرپىن بەرۋگە سەپتىگىن تيگىزەدى.
تۇركيانىڭ باستى حابار تاراتۋشىسى - ترت كورپوراتسياسى 1964 جىلدىڭ 1 مامىرىندا قۇرىلعان بولاتىن. بۇگىنگى كۇندە ترت كورپوراتسياسىنىڭ قۇرامىنا «ترت HD», «ترت حابار», «ترت Çocuk», «ترت-اۆاز» جانە ت.ب. 10-نان استام ءتۇرلى حالىقارالىق, رەسپۋبليكالىق, ايماقتىق تەلەارنالار مەن راديولار كىرەدى.
ەكى مەدياقۇرىلىم ءوز ەلدەرىنىڭ ەڭ نەگىزگى ءىرى حابار تاراتۋشىسى ەكەنىن ەسكەرە وتىرىپ, ەكىجاقتى ىنتىماقتاستىق تۋرالى بۇل مەموراندۋم كورپوراتسيالاردىڭ جۇمىسىن جاڭا دەڭگەيگە شىعارىپ, العا قويىلعان مىندەتتەردى ەكى جاققا دا ءتيىمدى ەتىپ جۇزەگە اسىرۋعا ىقپال ەتەدى.
